Чет өлкөлүк жарандыгы бар бала үчүн ММК полисин кантип алууга болот?

25.10.2024

Милдеттүү медициналык камсыздандыруу фондунун 113 ишеним телефонуна Казакстандын жаранынан бул өлкөнүн жараны болгон бала үчүн ММК полисин кантип алуу керектиги тууралуу суроо келип түшкөн.

ММК полисин сатып алуу үчүн төмөнкүдөй кадамдарды аткаруу зарыл:

1. 18 жашка чейинка бардык балдар үчүн идентификациялык жеке номерин алуу:

- Калкты тейлөө борборуна (КТБ) документтери менен кайрылуу (баланын туулгандыгы тууралуу күбөлүгү (эгерде ага паспорт берилген болсо да), ата-энесинин бирөөсүнүн паспортунун копиясы).

2. ММК полисин сатып алуу:

- полисти чет өлкөлүк жаранга саткан баа боюнча (12 айга 11 910, 6 айга 5 955 сом) мобилдик тиркеме (МБанк, Меgа Pay) аркылуу же терминалдарда (Pay 24 Quickpay, ж.б.), ошондой эле банктардан сатып алса болот .

- полисти мобилдик тиркеме (МБанк, Меgа Pay) же терминалдарда (Pay 24 Quickpay, Оңой ж.б.), ошондой эле банктарда чет өлкөлүк жаранга саткан наркы боюнча (12 айга 11 910сом, 6 айга – 5 955 сом) сатып алса болот.

3. Үй-бүлөлүк медициналык борборунда баланы каттоо:

- медициналык кызмат көрсөтүүлөргө жана жеңилдетилген дары-дармек каражаттарына карата жеткиликтүүлүктү алуу үчүн баланы Үй-бүлөлүк медициналык борборунда каттоону унутпаңыздар.

Ал таризделгенден кийин 5 календарлык күндөн тартып полис иштей баштаарына көңүл буруңуздар.

Полисти сатып алгандан кийин камсыздандырылган статусу ыйгарылат жана бала Үй-бүлөлүк медициналык борборунда да, мамлекеттик стационарларда да амбулатордук деңгээлде медициналык кызмат көрсөтүүлөргө укуктуу, ошондой эле Мамлекеттик кепилдиктер программасынын алкагында жеңилдетилген дары-дармек каражаттарына жеткиликтүү.

Эгер сизде кошумча суроо бар болсо, сиз кыйла кеңири маалымат алуу үчүн ММКФнын 113 ишеним телефонуна кайрылсаңыздар болот.

Маалымдама:

16 жашка чейинки камсыздандырылган балдарга, анын ичинде 18 жашка чейинки окуучуларга ҮМБда акысыз медициналык кызмат көрсөтүүлөр, анын ичинде жеңилдетилген дары-дармектер 50%га чейин арзандатуу менен берилет.

Стационарларга (ооруканаларга) пландык госпиталдаштырууда 6 жашка чейинки балдарга медициналык кызмат көрсөтүлөр акысыз. 6 жаштан 16 жашка чейинки балдарга, анын ичинде 18 жашка чейинки окуучуларга орто деңгээлдеги кошумча төлөм төлөшөт.

Өтө маанилүү

ҮМБда катталуусу болуп, үй-бүлөлүк дарыгерден жолдомо жана туулгандыгы тууралуу күбөлүгү же ID картасы болушу зарыл.