Жеңилдетилген дары-дармектер «Эл Аман» мамлекеттик дарыканалары аркылуу гана берилет

26.06.2026

Бишкек шаарынын тургундары үчүн маанилүү маалымат: МКП жана Кошумча милдеттүү медициналык камсыздандыруу программасы (КММКП) боюнча жеңилдетилген дары-дармектер «Эл Аман» мамлекеттик дарыканалары аркылуу гана берилет.

Милдеттүү медициналык камсыздандыруу фонду (ММКФ) шаардыктарды жеңилдетилген дары-дармек менен камсыздоо системасында маанилүү өзгөрүүлөр жөнүндө маалымдайт.

Бишкек шаарынын аймагында 2026-жылдын 1-июлунан тартып 31-декабрына чейин КР ССМнын (30.05.2026 № 588 буйругу) пилоттук долбоору ишке кирет.

Жаңы эрежеге ылайык жарандар ММК Кошумча программасы жана Мамлекеттик кепилдиктер программасынын (МКП) боюнча жеңилдетилген дары-дармектерди сатып алышат жана аны «Кыргызфармация» МИ «Эл Аман» мамлекеттик дарыкана тармактары аркылуу гана алышат.

Эми борбордун тургундары үчүн бардык электрондук рецептер боюнча берилген дары-дармектер мындан ары «Эл Аман» мамлекеттик дарыканаларында гана берилет.

ММК фонду камсыздандырылган жарандарга тиешелүү медициналык көрсөткүчтөрү болсо, алар жеңилдетилген дары-дармектерди электрондук рецепттер аркылуу 50%га чейинки арзандатуу менен сатып аларын эскертет. Жеткиликтүү дары-дармектердин толук тизмесин үй-бүлөлүк дарыгерден (ҮДТ/ҮДТ) алса болот же ММК фондунун расмий сайтынан таанышса болот.

Мындан тышкары бейтаптын беш категория оорулары болсо, алар дары-дармек каражаттарын 90%га арзандатуу менен алууга укуктуу:

• Бронх астмасы;

• Параноиддик шизофрения;

• Ар кандай аффективдүү бузулуулар;

• Эпилепсия;

• Онкологиялык оорулардын терминалдык стадиясы.