Ат-Башы районунун тургундарын жасалма интеллекти орнотулган эксперттик класстагы УЗИ аппаратынын жардамы менен изилдөөнү жүргүзөт
11.04.2024
Нарын облусундагы Ат-Башы районунун жалпы дарыгердик практикалык борбору орнотулган жасалма интеллекти менен ультра заманбап эксперттик (премиум) класстагы УЗИ аппаратынын жардамы менен ички органдарды жогорку тактыкта текшерүүнү, ооруларды жана травмаларды аныктоону, ошондой эле кош бойлуулуктун абалын көзөмөлдөөнү жүргүзөт.
Милдеттүү медициналык камсыздандыруу фондунун эсебинен 4 миллион 500 миң сомго сатылып алынган инновациялык технология сүрөттөрдүн жогорку тактыкта жана маалыматтарды, диагностикалык процедураларды дарыгерлерге так жана ишенимдүү жүргүзүүгө мүмкүндүк берет.
Ажибек уулу Азим, Ат-Башы ЖДПБнын директору «Биздин борбор райондун 48 миңге жакын жашоочуларын тейлейт жана заманбап УЗИ аппаратынын болушу калкка сапаттуу медициналык жардам көрсөтүүдө негизги ролду ойнойт. Диагностикалык процедуралардын максималдуу натыйжалуулугун жана коопсуздугун камсыз кылуу, УЗИ аппараттын мүмкүнчүлүктөрүн эске алуу менен, биз адистин жөндөмүнө жана билимине көбүрөөк көңүл бурабыз».
«Жасалма интеллекти менен жабдылган бул акыркы муундагы УЗИ аппараты түйүлдүктүн тубаса кемтиктерин, төрөт учурунда аныкталган аномалияларды, гинекология, урология, кардиология, ангиология жана башкаларды пренаталдык аныктоо сыяктуу медицинанын түрдүү тармактарында изилдөөлөрдү жүргүзүүгө кеңири мүмкүнчүлүктөрдү берет. Бул сүрөттүн жогорку сапаты жана колдонууга жеңил. Ар кандай функциялар өлчөөлөрдү, эсептөөлөрдү жана өзгөртүүлөрдү классификациялоону автоматтык түрдө аткаруу менен диагностикалык процессти жакшыртууга жардам берет, бул текшерүү убактысын бир топ кыскартат жана диагностикалык тактыкты жогорулатат. Сапаттуу изилдөө жүргүзүү үчүн замандын талабына жооп берүү керек, андыктан УЗИ диагностикасы боюнча алдыңкы эл аралык адистерден онлайн режиминде билим алып, өз квалификациямды жогорулатууга аракет кылам», - деди УЗИ адиси Илим Бейшеналиев.
Ат-Башы жалпы дарыгердик практикалык борбору жашоочуларынын ден соолугуна кам көрүүнүн эң мыкты стандарттарына умтулат.