2024-жылдын башынан тартып Кыргызстанда 125 миң жаран милдеттүү медициналык камсыздандыруу полисин сатып алышты

14.11.2024

2024-жылдын 1-январынан тартып 13-ноябрына чейин жапы суммасы 344,4 млн сомго 125 миң милдеттүү медициналык камсыздандыруу полиси (ММК) сатып алынган, бул өткөн жылдын ушул мезгилине салыштырмалуу 211%га көп. Анын ичинен 100 миңден ашуун полистерди Кыргызстандын жарандары тарабынан сатып алынса, 18 миңге жакыны чет элдик жарандарга, студенттерге жана кайрылмандарга берилген.

Милдеттүү медициналык камсыздандыруу фонду (ММКФ) жарандарды медициналык камсыздандыруунун маанилүүлүгүн түшүнүү менен Билим берүү жана илим министрлигинин, президенттин облустардагы ыйгарым укуктуу өкүлдөрүнүн, жергиликтүү өз алдынча башкаруу органдарынын жетекчилеринин, ЖОЖдордун ректорлорунун жана КООЖдордун директорлорунун, саламаттык сактоо уюмдарынын жетекчилерине да, медициналык кызматкерлерине да өзгөчө роль берилген лидерлердин жана активисттердин колдоосу менен бүткүл өлкө боюнча маалыматтык иштер активдүү жүргүзүлүүдө.

Эмне үчүн медициналык камсыздандырууну өз убагында алуу маанилүү?

Милдеттүү медициналык камсыздандыруу полиси мамлекеттик саламаттык сактоо мекемелеринде сапаттуу, өз убагында жеңилдетилген медициналык кызмат көрсөтүүлөргө, анын ичинде амбулатордук кызматтарды кошо алганда (дайындоо, консультациялар, лабораториялык-диагностиалык изилдөөлөр жана башкалар), стационардык дарылоо, операциялар жана башка медициналык кызматтарга, ошондой эле жеңилдетилген дары-дармектерге арзандатууларга жетүүнү (50%га чейин жеңилдетилген дарылар үчүн 90% чейин) жана алардын укуктарын камсыз кылат.

Медициналык камсыздандыруунун алкагында жарандар ооруларды эрте аныктоого жана ден соолугунун жалпы абалын жакшыртууга көмөктөшүүчү профилактикалык текшерүүлөрдөн өтө алышат.

Медициналык камсыздандыруу финансылык жактан корголот, андыктан медициналык камсыздандыруусуз медициналык кызматтын баасы, өзгөчө стационарга жаткырууда өтө жогору болушу мүмкүн (8000 сомдон 15 000 сомго чейин жана андан жогору). Камсыздандыруу финансылык жүктү кыйла азайтууга жардам берип, медициналык кызматтарга ири чыгымдарсыз эле жетүүгө мүмкүнчүлүк берет.

Камсыздандыруу төгүмдөрүнөн түшкөн каражаттар инфратүзүмдү жана саламаттык сактоо уюмдарында көрсөтүлүүчү кызматтардын сапатын жакшыртууга өбөлгө түзөт.

ММКФ жарандарга саясаттын артыкчылыктары жана ден соолугун жана бакубаттуулугун камсыз кылуу үчүн анын маанилүүлүгү жөнүндө  активдүү маалымат берүүнү улантат.

Суроолор пайда болгон учурда, сиз 113 номери боюнча күнү-түнү иштөөчү ММК фондунун ишеним телефонуна кайрылсаңыз болот. Бардык түзмөктөрдөн чалуулар акысыз.