ММКФ: рентгенге төлөө тартибин түшүндүрөт

21.11.2025

Медициналык уюмдарда жарандардын рентгенге кайрылуусу көбөйдү. Милдеттүү медициналык камсыздандыруу фонду (ММКФ) аларга бейтаптын статусуна жана жолдомо болушуна жараша төлөм эрежелерин эскертет.

Эгерде бейтап Үй-бүлөлүк медицина борборуна (ҮМБ) же Жалпы дарыгердик практика борборуна (ЖДПБ) кайрылса:

үй-бүлөлүк врачтын жолдомосу бар болсо нарктын 50% төлөнөтт: 

• жеңилдетилген категориядагы жарандар, анын ичинде бардык курактагы балдар жана пенсионерлер;
• камсыздандырылган жарандар.

жолдомосу жок  кайрылганда нарктын 100% төлөнөт:

• жеңилдетилген категориядагы жарандар, анын ичинде бардык курактагы балдар жана пенсионерлер;
• камсыздандырылган жарандар;
• камсыздандырылбаган жарандар.

Төлөм саламаттык сактоо уюмунун прейскуранты боюнча жүргүзүлөт.

Эгерде сөз ооруканага жаткырылган бейтаптар жөнүндө болуп жатса:

Рентгенография стационарда акысыз жүргүзүлөт, анын ичинде:

• бардык курактагы балдар жана пенсионерлер;
• ооруканага жаткырууда кошумча төлөм төлөгөн камсыздандырылган жана камсыздандырылбаган жарандар.

ММКФ эскертет: ҮМБ/ЖДПБга кайрылган учурда жолдомонун болушу — арзандатылган баада кызмат көрсөтүүлөрдү алуу үчүн милдеттүү шарт.

Суроолор барбы? Күнү-түнү иштеген 113 шыр байланышына чалыңыз.